Аққу - Қазақстанның су айдындарында кездесетін құстар. Қыс мезгілінде қолайсыз климаттық жағдайлар әсерінен суыққа тоңып, әлсіреген екі аққудың «Ақтау әлеуметтік бейімдеу орталығында» бар екендігі туралы ақпаратты Маңғыстау облыстық орман шаруашылығы және жануарлар дүниесі аумақтық инспекциясының басшысы хабарлаған болатын. Аталған дерек негізінде Үстірт мемлекеттік табиғи қорығының табиғи кешендер мен нысандарды қорғау бөлімінің кезекшіліктегі мемлекеттік инспекторлары Е.Берленов, Е.Бердібеков және жүргізуші Н.Қалдар әлсіреген құстарды қабылдап, қажетті күтім шараларын жүргізілді. 2026 жылдың ақпан айының 1-2 күндері аққулар Қарақия–Қаракөл мемлекеттік табиғи қаумалы аумағындағы Қаракөл көліне жіберілді. Маңғыстау облысында орын алған бұл оқиға Ақтау қаласының тұрғындарының табиғатты қорғауға деген жанашырлығын айқын көрсетіп, табиғатты қорғау мекемелерінің үйлесімді әрі тиімді іс-қимылын көрсетіп, құстарды сақтау мен биоалуантүрлілікті қорғау ісінде үлгі бола алады.
Табиғи кешендер мен нысандарды қорғау бөлімі
