Тазалық – біздің болашағымыз! Табиғатты қорғау – әр азаматтың ортақ міндеті. Таза орта – дені сау ұрпақтың кепілі.
Осы ұстанымды негізге ала отырып, Тазару күніне орай 23.03.2026 жыл «Таза Қазақстан» экологиялық акциясы аясында ұйымдастырылған «Мөлдір бұлақ» шарасы өткізілді.
Аталған іс-шара барысында "Үстірт мемлекеттік табиғи қорығы" РММ инспекторлары мен "Бөгет"шекара заставасының қызметкерлері бірлесе отырып, қорық аумағында орналасқан Өнере бұлағында тазалау жұмыстарын жүргізді.
Шараға жалпы 16 адам қатысып, нәтижесінде 0,2 тонна қоқыс шығарылды. Тазартылған аумақ көлемі 2га.
Табиғатты қорғау – тек бір күндік шара емес, бұл – әрқайсымыздың күнделікті өмір салтымызға айналуы тиіс. Осындай игі бастамалар арқылы біз қоршаған ортаны сақтап, келер ұрпаққа таза табиғат қалдыруға өз үлесімізді қосамыз.
