4 сәуір 2026 жыл Маңғыстау облысының табиғи ресурстар және табиғат пайдалануды реттеу басқармасының ұйымдастыруымен сондай-ақ Үстірт қорығының басшылық құрамы және инспекторларымен Қаракөл көлінің аумағына Таза Қазақстан тұжырымдамасының Мөлдір бұлақ акциясы аясында Сенбілік іс-шарасын өткізді.
Атап айтқанда, акцияға UNICEF ұйымынан 30 ерікті, «Самұрық-Қазына» АҚ Маңғыстау жастары 136 өкілі, «Жасыл Жебе» еріктілер қозғалысының 40 белсендісі және НИШ мектебінің «ЭкоЛидер» клубынан 40 ерікті қатысты. Сонымен қатар, түрлі мекемелердің қызметкерлері де табиғатты қорғау ісіне өз үлестерін қосты.
Қатысушылар көл жағасын тұрмыстық қалдықтардан тазартып, қоршаған ортаны қорғаудың маңыздылығын тағы бір мәрте көрсетті. Осындай шаралар қоғамда экологиялық мәдениетті қалыптастыруға және табиғатқа деген жанашырлықты арттыруға үлкен септігін тигізеді.
«Мөлдір бұлақ» акциясы – тек тазалық жұмыстары ғана емес, бұл – келешек ұрпаққа таза әрі көркем табиғат қалдыруға бағытталған ортақ жауапкершіліктің көрінісі.
