Экотуризмді дамыту, жолға қою, экологиялық маршруттарды

Экотуризмді дамыту, жолға қою, экологиялық маршруттарды абаттандыру мақсатында және мемлекеттік инспекторлардың төтенше жағдайларда әрекет ету дағдыларын жетілдіру, қызметтік міндеттерін орындау барысында жарақат алған немесе денсаулығына қауіп төнген адамдарға дер кезінде және дұрыс алғашқы медициналық көмек көрсету мақсатында 2026 жылдың 25 ақпанында жылдық жұмыс жоспарына сәйкес «Алғашқы медициналық көмек көрсету» тақырыбында оқу-жаттығу сабақтары өткізілді. «Алғашқы медициналық көмектің негізгі қағидалары мен жедел жәрдем келгенге дейінгі уақыт аралығында зардап шеккен адамның жағдайын тұрақтандыру жолдарын» Жаңаөзен қаласының №1 ЖГП дәрігері Раметов Асылбек түсіндірді. «Жарақаттар, қан кету, күйік, сыну жағдайларында алғашқы көмек көрсету әдістерін» жалпы тәжірибелі дәрігер Мылтықбай Абай жүргізді. Жаңаөзен қаласының фельдшері Бозаев Қайрат «Жасанды тыныс алдыру тәсілдерін, қауіпсіздік шараларын сақтау мәдениетін» түсіндірді. Сабақ барысында инспекторлар практикалық жаттығулар орындап, алғашқы медициналық көмек көрсету құралдарын қолдануды меңгерді. Сонымен қатар, төтенше жағдайларда дұрыс шешім қабылдау, зардап шеккен адамды қауіпсіз жерге көшіру және жедел жәрдем қызметімен өзара әрекеттесу мәселелері талқыланды.'

• 
• 
• 
• 
• 
• 
• 
•