Үстірт мемлекеттік табиғи қорығына – 42 жыл!
Бүгін Үстірт мемлекеттік табиғи қорығының құрылғанына 42 жыл толып отыр!
Осынау мерейлі белес – табиғатты қорғау, биоалуантүрлілікті сақтау және еліміздің табиғи мұрасын келер ұрпаққа аман жеткізу жолындағы қажырлы еңбектің жарқын көрінісі.
42 жыл ішінде қорық ұжымы Үстірттің қайталанбас табиғатын, сирек кездесетін жануарлар мен өсімдіктер дүниесін сақтауға зор үлес қосып келеді. Бұл – кәсібилік пен табиғатқа деген шынайы жанашырлықтың нәтижесі.
Осы мерейтойға орай қорықтың ардагерлерін, қызметкерлерін, табиғат жанашырларын және серіктестерімізді шын жүректен құттықтаймыз!
Сіздерге зор денсаулық, толағай табыс, отбасыларыңызға амандық, еңбектеріңізге береке тілейміз! Табиғатты қорғау жолындағы игі істеріңіз әрдайым жемісті болып, Үстірттің табиғи байлығы мәңгі сақтала берсін!
Үстірт – табиғаттың баға жетпес мұрасы!
