Үкі – жапалақтәрізділер отрядына, жапалақтар тұқымдасына жататын ірі жыртқыш құс. Денесінің ұзындығы 60–75 см, салмағы 2,5–4 кг-ға дейін жетеді. Қауырсын жамылғысы жұмсақ, түсі қоңыр-сұр, арқасында қара дақтары бар. Көзі үлкен, дөңгелек, сарғыш түсті келеді. Қанаттары кең, ұшуы дыбыссыз болады. Еуразияның орманды, далалы және жартасты аймақтарында кең таралған. Үкілер негізінен түнде белсенді тіршілік етеді. Негізгі қорегі – кеміргіштер (тышқан, суыр, қоян), сондай-ақ ұсақ құстар мен бауырымен жорғалаушылар. Бұл құстар ұясын биік жартастарға салады. Жұптары тұрақты, ұзақ уақыт сақталып, 2-3 жұмыртқа басады.
Фото авторы Ж.Ермек
