Үстірт мемлекеттік табиғи қорығының Қарақия‑Қаракөл қаумалына Қазақстанның Қызыл кітабына енген қоқиқаздар келе бастады. Қоқиқаздар - ұзын аяғы мен иілген тұмсығы, қызғылт түсті қауырсынымен ерекшеленетін құстардың бірі. Күзгі маусымда қаумал аумағы қоқиқаздар үшін маңызды аялдау орындарының біріне айналады. Қоқиқаздардың маусымдық көшуі - экожүйенің тұрақтылығы мен биоалуантүрліліктің сақталуын көрсетеді. Бұл маусымдық көшу еліміздің табиғатты қорғау бағытында маңызды рөл атқарады. Қоқиқаздарды қорғау - болашаққа аманат!
