Қарақал – Үстірт қорығының сирек кездесетін жыртқышы. Ерекше шөл дала мысығы, дүние жүзі фаунасында өзі аттас туыс/тармағының жалғыз өкілі. Қазақстанда Маңғыстау облысындағы Үстіртте, Бозашы, Маңғышлақ, Түпқараған түбектерінде, Қарынжарық, Түйесу, Бостанқұм, Сам, Матайқұм және т.б. құмдарда мекендейді. Көбінесе түнде тіршілік етеді. Негізгі азықтары – құм қояны және кеміргіштер болып табылады. Кейде қарақұйрықтың лағын, үстірт арқарының қозысында қорек етеді. 70 күндей буаз болып, сәуірдің басында 3–4 төлі дүниеге келеді. Жауларына қасқыр және малшы иттерін жатқызуға болады.Үстірт қорығында, Ақтау - Бозашы және Қарақия – Қаракөл қаумалдарында, Кендірлі – Қаясан мемлекеттік қорық аймағында қорғалады.
