Қарабауыр бұлдырық – саны азайып бара жатырған түр. Қазақстанда шөлді және шөлейтті аймақтарда, солтүстікке қарай Қамыс-Самыр көлдерінде, Бетпақдала солтүстік ендіктің 47°-қа дейін мекендейді.
Жыл құсы. Сәуірдің аяғы – мамырдың басында ұяда 3 жұмыртқа пайда болады. Бір маусымда екі, кейбір жұптары үш рет ұрпақ әкелуі мүмкін.Суды қажет етеді және ең қолайсыз қуаңшылық кезеңде көбеюге қатыспайды. Суатқа 60-70 км-ге ұшып бара алады. Балапандарына суды денесінің астыңғы жағындағы қауырсындарымен әкеледі. Суатқа таңертеңгі уақытта, ыстық күндері – түс қайта келеді. Барсакелмес, Үстірт қорықтарында және «Алтынемел» мен «Шарын» ұлттық парктерде қорғалады.
Фото авторы Ж.Е.Ермек
