2026 жылдың 9 ақпанында Жаңаөзен қаласының «Теңге» ауылында тұратын Бауыржан Сарыев әлсіреген аққу құсы жөнінде Үстірт мемлекеттік табиғи қорығына хабарласқан. Хабарлама негізінде директордың ғылыми жұмыстар жөніндегі орынбасары Ж. Ермек және қорық қызметкері Д. Нұрым аталған мекен жайға барып, жағдайды тексерді.
Тексеру барысында құстың жалпы жағдайы әлсірегені анықталды. Мамандардың шешімі бойынша аққу қала маңындағы жасанды су айдынына жіберіліп, оның бейімделуіне қолайлы экологиялық жағдай жасалды. Қала тұрғындарының аң-құстарымызды қорғау және олардың қауіпсіздігін қамтамасыз ету ісіне қосқан үлесі ғылыми-зерттеу және практикалық жұмыстардың тиімділігін арттыруға ықпал етті.
Қала тұрғынына қорық ұжымының атынан алғысымызды білдіреміз.
