Адамзаттың баға жетпес байлығының бірі – ол табиғат. Табиғатты аялап, оны ұрпақтан ұрпаққа аманат ету – баршамыздың парызымыз. Осы салада еңбек етіп жүрген орманшылардың еңбегі орасан зор. Орманшылар – мемлекеттік инспектор, қорықшы, эколог, биолог, өрт сөндіруші. Орманшылар түрлі қабілетті меңгерген мамандар.
Сондай маманның бірі – Мамаев Қалдыбай Мұхаммедұлы. Ол табиғат қорғау саласындағы еңбек жолын 1998 ж. қазан айынан Үстірт қорығының мемлекеттік инспекторы болып бастаған. Қазіргі таңда қорғау бөлімінің басшысы қызметін атқаруда, өзінің қарамағындағы 25 мемлекеттік инспекторларға бар білгенімен бөлісіп, үйретуде. 25 жыл бойы табиғатты қорғау саласындағы қиын да қызықты қызметін абыройлы, адал, үлкен жауапкершілікпен орындаушы, табиғат жанашыры деп білеміз.
Мамаев Қалдыбай Мұхаммедұлы 2017 жылдың наурыз айынан бері қорғау бөлімінің басшысы қызметін атқарып келеді. 25 жылғы қызмет барысында бірқатар төсбелгі, медальдармен марапатталған:
- «Қоршаған ортаны, жануарлар және өсімдіктер дүниесін қорғау саласындағы адал, үлгілі қызметі үшін»
- «Маңғыстау облысының әлеуметтік-экономикалық дамуына қосқан үлесі үшін»
«Жаңаөзен қаласының 50 жылдығына орай қаланың дамуы мен қалыптасуына қосқан үлесі үшін».
