Қарабай
Каравайка
Plegadis falcinellus
Дегелектәрізділер, немесе Ләйлектәрізділер отряды
Тырнақұтандар тұқымдасы
Таралуы. Барлық материктерде шашырап кездеседі. Қазақстанда 1940-1950 жылдары Каспий теңізінің солтүстік жағалауында, Жайық өзенінің төменгі сағасында Антоновка ауылына дейін, Ырғыз бен Торғай өзендерінің төменгі сағаларында, Балқаш көлінің жағалауында оңтүстік шетінен Іле өзенінің атырауына дейін ұялаған. 70-інші жылдары тек Еділ өзенінің атырауында ғана ұялағаны белгілі. 1980 жылдардан бері Жайық өзенінің атырауында ұялайды.
Биологиялық ерекшеліктері. Жыл құсы. Үндістанда қыстайды. Жүздеп, тіпті мыңдап шоғыр құрып, жиі құтандар, суқұзғындары, ақтұмсық қарғалармен бірге ұялайды. Ұяларын ағашқа және қамысқа салады. Мамырдың бірінші жартысында 3-4 жұмыртқа туады. Екеуі бірге 24 тәулік шайқайды. 30 күндік балапандары өз беттерінше қоректене бастайды. Су және құрылық бунақденелілермен қоректенеді, сирек те болса өрмекшілер, моллюскалар, бақашабақтар, майда бақалар мен балықтардың шабақтарын ұстайды.
