Жұртшы (Neophron percnopterus)
Сұңқартәрізділер отряды
Қаршығатектестер тұқымдасы
Таралуы. Африка, Оңтүстік Еуропа, Аравия, Кіші Азия, Иран, Ауғанстан, Үндістан, Орта Азия таулары. Қазақстанда Тянь-Шань, Жоңғар Жетісу Алатауының сілемдері, Үстірт пен Маңғыстаудың құздарында, солтүстік ендіктің 46˚-на дейін кездеседі. Үндістан мен Африкада қыстайды.
Биологиялық ерекшеліктері. Наурыздың аяғы – сәуірдің басында ұшып келеді, қыркүйектің аяғында ұшып кетеді. Ұялау учаскесінде 3-4 ұя болады, оларды кезектесіп пайдаланады. Ұяда 1-3, әдетте 2 жұмыртқа сәуірдің аяғында пайда болады, балапандары 42 күнде жұмыртқадан шығады, ұяны 12 аптадан соң тастайды. Жабайы және үй жануарларының өлекселерімен, қиларымен, жуындыларымен қоректенеді, кейде – бауырымен жорғалаушыларды аулайды.
