ҮМТҚ-ның флорасын ғылыми зерттеудің соңғы мәліметтері бойынша қорықта 51 тұқымдас пен 220 түрге жататын жоғарғы түтікті өсімдіктердің 403 таксоны берілген. Олардың ішінде 5 түр: майда қатыран, берік сүттіген, хиуа сораңы, кәдімгі жұмсақжеміс, бор рияңы Қазақстан Республикасының Қызыл кітабына енген. Өсімдік жабындыларында негізінен Алаботалар (Chenopodiaceae), Күрделігүлділер (Asteraceae), Қырыққабаттылар (Brassicaceae), Қоңырбастылар (Poaceae), Бұршақ (Fabaceae) тұқымдастары басымырақ.